أبوذيات مختارة

غيابك خلخل اعضامي.. وهدهن
وجر حسرات ببعادك.. وهدهن
آلي دمعات لو ابجي.. وهدهن
تفيض اليابسة ونغرك سويه..


كلبي انت ملكتة.. وانت حر بي
عليل وطبي عندك.. وانت حر بي
كأس السم اشربة.. وانتحر بي
اذا غيرك يمس اطراف اديه

قلم كلبي تداين ..ورقة منة
لان ماكو بجمالك ..ورقة منة
اسجلك انت الاول ..ورقة منة
واكتب لافتة محجوز اليه..


لجل عينك لشد رتبة ..ملازم
وبحبك لظل اطبع.. ملازم
واذا متريدني!!عوفني.. ملازم
الف واحد يذب روحة عليه..



انا الصياد صادتني.. شبكتك
ودخيل الله شكثر حلوة.. شبكتك
ادك عليك مشغولة.. شبكتك
اظن مغلق جهازك بس عليه..



احبك من صغر سنك ويهلك
ليش الي يحب يتعب ويهلك
اغار عليك من تكعد ويه اهلك
اذا ويه الغريب اشلون بيه